Nis projekti i dytë në mbështetje të Radio Alba në Klinë
Projekti “Iniciativa për të vërtetën dhe besimin në media”, është projekti i dytë që Ministria e Punëve të Jashtme të Republikës Çeke, ka ndarë për Radio Alba.
Ky projekt është pjesë e programit për mbështetjen e mediave të pavarura në Ballkanin Perëndimor, i cili financohet nga Ministria e Punëve të Jashtme të Republikës Çeke, në kuadër të politikës së saj transformuese.
Qëllimi i projektit është t’u ofrojë qytetarëve të Komunës së Klinës dhe komunave përreth rëndësinë e të informuarit saktë dhe drejtë. Në një kohë të mbushur me dezinformata dhe lajme të rreme, është më e rëndësishme se kurrë të kesh informacion të saktë dhe të besueshëm. Keqinformimi mund të çojë në konfuzion, mosbesim dhe madje edhe dëm.
Qytetarëve të përgjegjshëm dhe dëgjuesve, mediat duhet t’u ofrojnë informacione të sakta dhe të besueshme si nga platformat tradicionale ashtu edhe ato dixhitale.
Ne ju inkurajojmë të merrni pjesë në diskutime, të telefononi dhe të bëheni qytetarë aktiv për një peizazh mediatik që i shërben interesit publik. Bashkohuni me ne, në rrugëtimin tonë, që ti shfaqim bashkë mendimet e lira, kritikat, sukseset dhe të ecim bashkarisht përpara.
Radio Alba do të vazhdoj misionin e saj.
Ne i mbesim besnik informimit të drejtë dhe të saktë